Справаздачныя канцэрты ў філіяле “Корнадзь”
28 і 30 мая 2021 года ў аграгарадках Новы Двор і Корнадзь прайшлі штогадовыя справаздачныя канцэрты філіяла “Корнадзь” ДУА “Свіслацкая дзіцячая школа мастацтваў”. Навучэнцы філіяла і іх настаўнікі прадэманстравалі свае музычныя дасягненні за мінулы 2020/21 навучальны год. Перад гледачамі былі выкананы інструментальныя і вакальныя творы. Пасля канцэртаў, у прысутнасці бацькоў, настаўнікаў, гасцей філіяла, лепшыя навучэнцы былі ўзнагароджаны граматамі за выдатную вучобу і прыкладныя паводзіны, лістамі падзякі за добрыя вынікі ў асваенні спецыяльнага інструмента. Дыпламанты рэгіянальных, абласных, міжнародных конкурсаў атрымалі за сваю перамогу ад адміністрацыі школы мастацтваў салодкія падарункі. Шмат слоў з пажаданнямі прагучала ў адрас 3 выпускнікоў філіяла “Корнадзь”, якім былі ўручаны ганаровыя граматы і “Пасведчанні” аб заканчэнні ДУА “Свіслацкая дзіцячая школа мастацтваў”. У добры шлях!
