Навагоднія цуды
23 снежня 2022 года ў філіяле “Корнадзь” ДУА “Свіслацкая дзіцячая школа мастацтваў” прайшоў навагодні канцэрт навучэнцаў і настаўнікаў. С.Г.Болван, загадчык філіяла, пажадаў поспехаў у вучобе навучэнцам, здароў’я і асабістага шчасця бацькам і гасцям у Новым 2023 годзе.
Гледачы апладысментамі сустракалі Вядучую (Вольга Гаворка), Дзеда Мароза (Кірыл Навумік), Снягурку (Ульяна Наумік), Злючку – Бабы Ягі ўнучку (Кацярына Сауціна), Злюка – Кашчэя ўнука (Усевалад Баранцэвіч) і з задавальненнем глядзелі на прыгоды казачных герояў, спявалі навагоднія песні разам са Сняжынкаю (Сафія Саўко), вадзілі карагоды з Дзедам Марозам і Снягуркаю, удзельнічалі ў гульнях, адгадвалі навагоднія загадкі.
Дзед Мароз уручыў кожнаму прысутнаму невялічкі навагодні падарунак!
З Новым 2023 годам!
