#МузыкалкаЛіда-2023#
З 28 лістапада па 5 снежня 2023 года ў ДУА “Лідская дзіцячая музычная школа мастацтваў” адбыўся чарговы адкрыты анлайн-конкурс “#МузыкалкаЛіда-2023#”. Асноўнай мэтай конкурсу з’яўляецца падтрымка і развіццё вакальнага і інструментальнага мастацтва, садзейнічанне развіццю творчага патэнцыялу дзяцей, моладзі і дарослых, абмен вопытам у вобласці культуры і адукацыі. Конкурс праводзіўся ў намінацыях: “Вакальнае мастацтва”, “Інструментальная творчасць”, “Музыкаведы”, “Настаўнік і вучань”, “Кампазітар-выканаўца”, “Юны канцэртмайстар”. “Канцэртмайтарскае майстэрства”. У склад журы ўвайшлі вядучыя педагогі і настаўнікі сферы музычнага мастацтва, дзеячы культуры і мастацтва, творчыя работнікі Гродненшчыны.
ДУА “Свіслацкая дзіцячая школа мастацтваў” у гэтым музычным форуме прадставілі:
- Чэрнакалава Святлана, намінацыя “Інструментальная творчасць. Домра”, група “В” (настаўнік Кулічык В.С., канцэртмайстар Курбат І.Р.) – дыплом лаўрэата II ступені;
-Шкулепа Ксенія, намінацыя “Інструментальная творчасць. Фартэпіяна”, група “А” (настаўнік Зотава В.В.) – дыплом лаўрэата II ступені;
- Ботвіч Анастасія, намінацыя “Музыкаведы” група “В” па тэме “Мой любімы кампазітар” (настаўнік Гаворка В.В., філіял “Корнадзь”) – дыпламант I ступені.
Віншуем з перамогай і жадаем далейшых творчых поспехаў!
