Справаздачны канцэрт
У нядзелю 28 мая 2017 года на сцэне філіял- клуба аграгарадка Корнадзь адбыўся штогадовы справаздачны канцэрт навучэнцаў і выкладчыкаў філіяла “Корнадзь” ДУА “Свіслацкая дзіцячая школа мастацтваў”. Пад гучныя апладысменты жыхароў аграгарадка і бацькоў юныя таленты паказалі сваё майстэрства ў валоданні музычнымі інструментамі, а таксама ў вакальным і харэаграфічным жанрах. Да спадобы гледачам прыйшліся і разнастайныя інструментальныя ансамблі, у тым ліку трыа і квінтэт настаўнікаў філіяла. Пасля фінальнага акорда загадчык філіяла ўручыў выпускнікам “Пасведчанні” аб заканчэнні школы мастацтваў і “Граматы” найбольш паспяхова скончыўшым вучэбны год вучням. Затым са словамі падзякі выступілі бацькі і ўручылі настаўнікам філіяла кветкі.
