Святочны канцэрт
30 мая 2017 года ў актавай зале ДУА “Навадворская сярэдняя школа” пасля завяршальнай агульнашкольнай лінейкі навучэнцы і выкладчыкі вучэбных класаў аграгарадка Новы Двор філіяла “Корнадзь” ДУА “Свіслацкая дзіцячая школа мастацтваў” паказалі святочны канцэрт, які быў прысвечаны заканчэнню 2016/17 навучальнага года. Гледачы з ліку настаўнікаў, бацькоў і вучняў школы з вялікім задавальненнем слухалі ігру юных музыкаў, якіх падрыхтавалі настаўнікі філіяла. Асабліва спадабаліся п’есы ў выкананні розных інструментальных ансамблей, а таксама мілагучныя творы вакальнага ансамбля і салістаў- вакалістаў . Напрыканцы, пад гучныя апладысменты прысутных, Дзям’янчык Марыне, нашай мясцовай зорачцы, уручана “Пасведчанне” аб паспяховым заканчэнні школы мастацтваў, а лепшым навучэнцам уручаны граматы і пахвальныя лісты за выдатную вучобу, прыкладныя паводзіны і поспехі ў асваенні спецыяльнага інструмента.
