Cправаздачныя канцэрты філіяла “Корнадзь”
25 і 26 мая 2019 года ў аграгарадках Корнадзь і Новы Двор прайшлі штогадовыя справаздачныя канцэрты філіяла “Корнадзь” ДУА “Свіслацкая дзіцячая школа мастацтваў”. Навучэнцы філіяла і іх настаўнікі прадэманстравалі на сцэне свае музычныя дасягненні за мінулы 2018/2019 навучальны год. Перад гледачамі былі выкананы разнастайныя, як сольныя, так і ансамблевыя, інструментальныя, вакальныя творы і харэаграфічныя замалёўкі. Апасля канцэртаў у прысутнасці бацькоў, настаўнікаў, гасцей філіяла лепшыя навучэнцы былі ўзнагароджаны граматамі за выдатную вучобу і прыкладныя паводзіны, лістамі падзякі за добрыя вынікі ў асваенні спецыяльнага інструмента, а дыпламанты абласнога конкурсу сярод навучэнцаў сельскіх ДШМ і ДМШМ Горбін Мікіта і Рошуль Сафія атрымалі за сваю перамогу ад адміністрацыі школы мастацтваў салодкія падарункі. Шмат слоў з пажаданнямі прагучала ў адрас 9 выпускнікоў філіяла школы мастацтваў, якім пад урачыстыя гукі фанфар былі ўручаны ганаровыя граматы і “Пасведчанні” аб заканчэнні ДУА “Свіслацкая дзіцячая школа мастацтваў”, а настаўнікі філіяла атрымалі за сваю плённую працу, адпаведна, кветкі і словы ўдзячнасці ад бацькоў і іх дзяцей. У добры шлях!
